მეამა არის კაფსულის ყავის მწარმოებელი ქართული კომპანია, რომელიც ცვლის ყავის მიღების საუკუნოვან ტრადიციას და ამკვიდრებს ახალ, ინოვაციურ მიდგომებს.

გვჯერა დიდი იდეების და არ ვართ შეზღუდული აქამდე დამკვიდრებული სტანდარტებით. მეამაში გვიყვარს გამოწვევები და მუდმივად ვცდილობთ ვიპოვოთ პრობლემის გადაჭრის ორიგინალური გადაწყვეტები.

ჩვენ ყველას ყავის განსაკუთრებული სიყვარული გვამოძრავებს და გვინდა ეს გრძნობა არომატულ და სასიამოვნო გამოცდილებად ვაქციოთ. Სწორედ ამიტომაც ვცდილობთ, რომ მეამა იყოს ყველგან და ყოველთვის: სახლში, ქუჩაში, ოფისში, სკვერში, კაფეში, რესტორანში, ზღვაზე, მთაში და იქ, სადაც შეიძლება შენი საყვარელი ყავა მოგინდეს.

სწორედ ამ საერთო ფილოსოფიით ვცვლით დამკვიდრებულ იდეალებს და გარდავქმნით კულტურას, რაც მეამას ყველა პროდუქტში ისახება, იქნება ეს ყავის კაფსულები, ინოვაციური აპარატები თუ მომხმარებელზე მორგებული სერვისები.

Პროგრესისკენ სწრაფვა

ჩვენ მუდმივად ვაუმჯობესებთ საკუთარ თავს და ვქმნით ტექნოლოგიურ თუ ციფრულ პროგრესს საქართველოში. ჩვენი ცოდნა და ხედვა გვაძლევს საშუალებას, დავნერგოთ არასტანდარტული და ინოვაციური მიდგომები საქმიანობის ყველა ასპექტში.

Ყოველდღიურობის გამარტივება

გვჯერა, რომ ტექნოლოგია და ინოვაციები ჩვენს ცხოვრებას ამარტივებს. Ამიტომაც, შევქმენით ციფრული და ფიზიკური სივრცეების ჰიბრიდული ეკოსისტემა, რომელიც ბრენდთან ურთიერთობას მარტივ და საინტერესო გამოცდილებად აქცევს.

ურთიერთპატივისცემა და კოლაბორაცია

მეამა არის საზოგადოება, რომელშიც გაზიარებულია შესანიშნავი ყავის სიყვარული. დიდი მიზნების მისაღწევად, ინსპირაციას ვაძლევთ ერთმანეთს და ჩვენს მომხმარებლებს. ღია კომუნიკაცია, ახალი იდეების გაზიარება და ურთიერთპატივისცემა ჩვენთვის უმნიშვნელოვანესია.

Მომხმარებელთან ურთიერთობა

გვსურს, მეამასთან ნებისმიერი შეხება, იქნება ეს ციფრულ თუ ფიზიკურ სივრცეში, ადამიანებისთვის დადებით ემოციებთან იყოს დაკავშირებული. ჩვენთვის თითოეული მომხმარებელი ძვირფასია და გვსურს ადამიანები ამას ურთიერთობის ყველა მცირე დეტალში ამჩნევდნენ.

სამართლიანობა

ჩვენი კომუნიკაცია არის ღია და გულწრფელი. ჩვენ ვიცავთ ჩვენს სიტყვას, რომელსაც ვაძლევთ მომხმარებელს და ვართ იმ ფილოსოფიის ერთგული, რომელიც ყველას გვაერთიანებს.

ჩვენთვის მნიშვნელოვანია, რომ შენი საყვარელი ყავა ყოველთვის იყოს იქ, სადაც შენ ხარ. Ამისთვის შევქმენით ონლაინ მაღაზია და ბრენდული სივრცეები, სადაც მეამას მრავალფეროვანი პროდუქციის აღმოჩენა და შეძენა არის შესაძლებელი.

ონლაინ მაღაზია

ონლაინ მაღაზია მაქსიმალურად არის მომხმარებლის კომფორტს მორგებული. Აქ მომხმარებელს შეუძლია დეტალური ინფორმაცია მიიღოს ყავის კაფსულებისა და სხვადასხვა პროდუქტის შესახებ. შეძენილი პროდუქციის მიწოდება მთელი საქართველოს მასშტაბით ხდება.

ბრენდული სივრცე

მეამას კონცეპტუალურ მაღაზიაში, მომხმარებლებს შესაძლებლობა აქვთ დაათვალიერონ კომპანიის პროდუქცია, ადგილზე დააგემოვნონ ყავა და მეამას ელჩების დახმარებით გააკეთონ მათთვის სასურველი არჩევანი.

მეამას სივრცის დიზაინში გამოყენებული ხე, ბეტონი და მინა საუკეთესოდ ერწყმის ერთმანეთს და იმეორებს კომპანიის სათაო ოფისის ესთეტიკას.

დროფერი

ინოვაციური ვენდინგ “დროფერი” დიდი ოფისებისთის შეიქმნა, რომ მეამას ყავის კაფსულები სამუშაო სივრცეებშიც ყოველთვის ხელმისაწვდომი იყოს.

მეამა ქოლექთი

უნიკალური კონცეფციის ე.წ Takeaway ობიექტი მეამა ქოლექთი ყავისა და ჩაის არომატულ კოქტეილებთან ერთად, მომხმარებლებს მეამას ყავის კაფსულების ყიდვასაც სთავაზობს.

მეამას არომატული თავგადასავლის კიდევ ერთი შემოქმედი მეამა ქოლექთია - ახალი და განსხვავებული კონცეფციის ე.წ Takeaway ობიექტი, რომელიც კაფსულის ყავასა და მასზე დაფუძნებული კოქტეილების მრავალფეროვან არჩევანს გთავაზობს.

Დილას სამსახურში წასვლისას, საღამოს მეგობრებთან ერთად გართობისას, შაბათ-კვირას საყიდლებზე სიარულისას თუ უბრალოდ საყვარელ ქუჩებზე სეირნობისას - გაიყოლე ყავის არომატული კოქტეილი და შეიქმენი ამაღლებული განწყობა. მეამა ქოლექთი არის ყველგან, სადაც შენ ხარ. Ეს კი იმას ნიშნავს, რომ შენი საყვარელი ყავა შეგიძლია მაშინ მიირთვა, როცა მოგინდება.

მარწყვის ლატე, ჩიზქეიქის კაპუჩინო, კარამელი ყავის ყინულით, ცივი ყავა ციტრუსით, ფრაპე ბანანით და შოკოლადით, ანანასის და ქოქოსის ცივი მელოუ, ფრაპე კარამელით, მწვანე ჩაის ცივი ლიმონათი - მეამა ქოლექთის ეს კოქტეილები დაგარწმუნებს, რომ სიყვარული ერთი ყლუპით ნამდვილად არსებობს. ყველა გემო შექმნილია შენი და შენ გარშემო ადამიანების გემოვნების გათვალისწინებით. მეამას ყავის ექსპერტები კი მუდმივად ქმნიან ახალ, უნიკალურ რეცეპტებს, რომ შენი ყოველდღიურობა კიდევ უფრო არომატული გახადონ.